Vorstadt-
Gnaug'n
In senan letztn Schreibn wirft de SPÖ unsan Hansi als Feierwehrhauptmonn von Untatweng und Feierwehrreferent von Radenthein an Interessenkonflikt vur. Komisch, doss se sölba auf de Idee nit kummen send, wia se en Omtsleita von Radenthein zum Biagamasta g'mocht hom...

***

De Raden- theiner ÖVP- ler rennen derzeit olle mit schworze Jackn umma und de SPÖ- ler im rotn Kompfonzug. De BZÖ- ler hom sich des spor'n kennen - weil a richtigs Kärntn- Jankale hot eh jeda echte Kärntna daham...

***

Den Spruch vom “l(i)ebenswerten Radenthein” hobn de Freiheitlichn domols schon im Wohlkompf 1997 vawendet. Des zagt, doss de SPÖ nit lei sölba kane Ideen hot, sondan doss se mit de Ideen noch dazua 12 Johr hintn noch henkn...

***

Wonn die Sozialist'n noch amol die Absolute kriagn, ziag i aus. Weil donn kon i ma es Lebn in Radenthein neama leistn...

***

Won da Maier Michael Birgamasta wert, kimmt es Gemeindeomt sicha ins Mc Cool's...
... und da Diskjockey werd Omtsleita!

***

I moch ma wegnen Hipp seina Dopplfunktion als Biagamasta und Beomta der Gemeinde ibahaupt kane Surgn. Weil da Buchacher woa 5 Tog in da Woch'n Biagamasta und hot nix zweng gebrocht und i bin ma sicha, des gleiche werd da Biagamasta Hipp locka a mit seina Zwa-Toge-Woch'n noch daschoffn.

***

Doß es “das SPÖ- Mitglied” und nit “der SPÖ- Mitglied” haßt, waß man. Doß es deswegn nit “die SPÖ- Mitgliederin” haßn konn, is a sicha. Oba ob de Radentheiner Rotn in senan Kurier mit da komplett folschn Sprochvahunzung “die SPÖ- MitgliederInnen” de alternativn Grianen und de linkslinkn Frauenrechtlarinnen sprochlich links übaholdn wolltn, oda ob se es anfoch nit bessa wissn, des loßt sich nit so gonz genau sogn...

***

Da Gusenbauer hot auf seine Wohlplakate gschriebn "Wohlstand muß gerecht verteilt werden!"
Des waret a guate Ausred fia jedn Toschndieb vuam Richta!

***

Ols Begründung fia de Schließung vom Döbriacher Postomt hot da Biagamasta Buchacha domols da Klanen Zeitung den Schmäh dazöhlt, daß da Burgstolla sei Werbung imma in Deitschlond aufgebn hätt.
Hetzan loßt de SPÖ senare Aussendungen von senare Mitgliada zfuaß in Radenthein austrogn.
Mir kumpt vua, de hom dos mit da "Untastützung von unsare Kärntna Postämta" komplett folsch vastondn...

***

Hetzan hots wieda amol g'hassn, beim Döbriacher Spieleland is noch wia vua "olles auf Schiene".
Oba in wos fia Richtung hot wieda kana g'sogt!

***

Da Bürgamasta Buchacha hot in seina “omtlichen Mitteilung” und in seina niveauvollen Oart g’schriebn, de blauen Gemeinderät san a poar “Hitzköpfe”. Werd senen oba nit so vül ausg’mocht hobn: Weil is jo ollweil no bessa hitzköpfig als wia dummköpfig!

***

Da Ambrozy hot in Radenthein g'sogt, sei Tochta in Wien miaßat sich wegnen Haider ständig dafür entschuldign, daß se a Kärntnerin is. Des kennt bei an Londeshauptmonn Ambrozy nit passiern, hot er g'sogt.
Eh klor! Weil an Kilometa nördlich von Turrach und Pack was nämlich schon ka Mensch mehr, wer da Ambrozy is!

***

I tat vurschlogn, daß de Rotn sena Stodt-Gnaug'n in da Gemeinde ols Omtsleita onstölln.
Donn kenntn se in Zukunft jede SPÖ-Aussendung gratis ols "omtliche Mitteilung" vaschickn!

***

Wia noch jeda Wohl wernd de Schwoazn a om 7. März noch da Stimmauszöhlung wieda mit de traurign Augn beinond stehn und sich wundern, wer senan diesmol de Wöhla verscheuchert hot!

***

I horch immer auf de Leit, de gscheider sand als wia i. De drei wichtigsten Erkenntnisse, de mir dos im Johr 2003 gebrocht hot, sand:
Unser Transit-Vertrog mit da EU werd ewig Gültigkeit hom, da Irak hot Massenvernich- tungswoffen und en Biagamasta Buchacha sei Cross Border Leasing Idee fian Kanal is a klasse Gschicht, bei der olle Seitn nur gwinnen kennen...

***

De ÖVP findet dos witzig, daß se senare Aussendungen hetzan "Heiße Luft klärt auf"* tituliert. Bei so an Sinn fia Humor lernt man de "Stadt-Gnaug'n" von de Rotn vagleichsweise erst richtig zan schätz'n!

*Im letzten Wahlkampf nahm die FPÖ mit dem Wortlaut "heiße Luft" im Zusammenhang mit der ÖVP Bezug auf die Müllverbrennungspläne der ÖVP-Spitzenkandidatin Mag. Herbrich.

***

Wenn man des Inserat von da Radentheiner ÖVP im "Spittaler"* g`lesen hot, konn man de Radentheiner Wähler nur beruhigen:
A wonn Ihr de Mag. Herbrich nit wöhlts, werds trotzdem in Zukunft in Radenthein noch Tablettn zum kafn gebn!

* Inserat im "Spittaler" vom Feber 2003 : alle 4 Fotos von Mag. Herbrich beim Verkauf von Arzneimitteln in der Apotheke.

***

Bei da Diskussion von de Birgamastakandidaten im Stodtsol hot de Mag. Herbrich g`sogt, sie hätt iba unsan Hansi sein Spruch "Bürgermeister 2003" so lochn miaßn.
I hob mir eh glei gedocht, daß ane, de sich für ihre Plakate mit an Kaktus auf da Birn fotografiern loßt, a Humorkanon sein muaß!

***

Wos is aus touristischer Sicht da Unterschied zwischen de drei Radentheiner Parteien?
De FPÖ hot in ihrn Team gonz vurne Berufstouristiker, de sich auskennen.
De SPÖ hot de Einsicht, daß man sich nit einmischen sollt, wenn man dos nit hot.
Und da ÖVP fehlt beides!

***

Da Omtsleita von da Gemeinde kandidiert bei da SPÖ auf Plotz 4 und werd womeglich noch Stodtrot.
Wos hetzan noch fehlt, is daß sich als nächstes da Birgamasta holbtogs um den Job als Schriftführer für de Sitzungsprotokolle bewirbt...

***

Wos is aus da Sicht vom Internet da Unterschied zwischen de drei Radentheiner Parteien?
De Homepageadress und de Radenthein-Emailadressen von da FPÖ enden auf org.
De Radenthein-Emailadressen von da ÖVP enden auf net.
...und wos man von da SPÖ in dem neichn Medium gsegn hot, wor net org vül!

***

De ÖVP waß noch fost 20 Johr scheinbor noch immer nit, daß der Tourismus in da Gemeinde privatisiert is und hot in ihrn Wohlprogramm wieda anige touristische Punkte drin.
Deswegen bin i dafür, daß im Gegenzug de FPÖ in ihr Wohlprogramm an, zwa Punkte einenimmt, wia man in Radenthein a marketingtechnische Verbesserung beim Verkauf von Huastnsoft und Kopfwehtablettn erreichn kennt...

Anm.: ÖVP-Spitzenkandidatin Mag. Christina Herbrich ist Apothekerin